pagpangita

oo, gipangita ko
ang akong
kaugalingon diha
sa nawong sa usa
ka samin

mora akog
usa ka langgam
nga ang dughan
bulok
sa usa ka kasingkasing
nga nagdugo

nga kanunay nga
naglamba-lamba
sa iyang mga pako
kay gustong
mosulod aron
tagbuon ang
iyang hulagway

nga unta mas
maanindot man
ang pagpuyo
lamang sa usa
ka sanga
pagpiyong sa mga
mata og
dayon magsugod
diha sa usa
ka panaw