Saturday, August 8, 2009

ang nahitabo sa bata


namuyok ang edad
sa kabatan-on

daghan ang gisaad
nga iyang makab-ot

sama sa adlaw og mga
panganod og mga bitoon

mihingkod ang kabatan-on
og nasayod sa kamatooran

kanang mga saad
walay tumanon og kanang

mga gugma morag mga
dahon nga mangalaya na lang

walay moabot nga ulan
og dili na gani makapamotot

og natigulang ang bata
mikugang ang agianan sa iyang mga luha.

sa kataposan
naandan na ang pagmahay

ang kasakit maoy kinaon
og ulahi na niyang gikalibang ang kalipay

nahimong abog ang mga bukog
gipalid sa hangin og wala na mitingog

No comments: