nananingkamot

miluhod ka lamang
sa dihang dili ka na
kamaong
magpakabuhi

nananingkamot nga
unta ang imong mga
tiil mapugngan

ang imong mga kamot
magaid

ang imong baba mapilot
ang imong mga tudlo
magtapot

sayod ka kon asa ka
dalhon sa kalimot

mihapa ka mihalok
sa pusod sa yuta

gisimhot ang abo
gitilaan ang balas

gisumpa mo ang
pagkapalid sa imong
kalag
paingon sa gakalayong
disyerto