nag-uwang

sa kagabhion
sa dihang miabot ang gikahadlokan
mong mga daotang ispiritu
ang imong lima ka iro
didto sa hagdanan
nag-uwang
silang tanan

ikaw usab nga nag-inosara
diha sa imong higdaanan
nga nakiglahotay sa salida
sa tv
nagpunay usab ug pauwang
sa imong
langgam

ang mga kamot sa imong kagahapon
nanikop ug uwang
sa kilid sa mabaw nga tubig
sa kanipaan

ang kamingaw nag-uwang
sa bintana nga abri nga nagdunga
sa kabungturan
nagpaabot sa kabuntagon

sabta ang akong pag-uwang
usahay
basin
sab diay ug dili ikaw
ang gitawag
niini.