hinog na ang pagbati

linghod pa ang
panahon
wala pa kaayo milagom
ang langit
ang hangin uga
ang dalan nagpasiatab
sa iyang kaabog

hinog na ang pagbati
ayaw pugngi
ang pag-agas sa laway
diha sa imong
baba

ang kainit sa akong
mga kamot
gabaga nga bagol

bugnaw kaayo ang
imong kakulba
diha sa imong dughan

kitang duha
ang gitakdo sa dalan
sa gugma

ako pa gihapon
ang laway
sa imong tuway