morag dugos sa lapinig nga kusog kaayong namaak kanako.

human sa kadugay nga pagpuga
sa panahon
natilawan mo na ba ang kataposang
duga sa kasakit?

ayoha pagamit sa imong baba ug
pagpakli sa imong dila
padugaya pag-ayo ang
pagtamasa mo niini ug kabahin
sa akong natilawan
nausob baya gayod ang akong
panimpla:

lami ang kasakit, tam-is kini
morag dugos sa lapinig nga kusog
kaayong namaak kanako.