ang atong mga tinipigan

adunay gitipigan
dili kay makaulaw
apan aron dili kini
kasinahan sa uban
o hulaman
kay kini ugma sa
ting-ulan
kapahimuslan

sama usab kini sa
atong mga sekreto
sa atong panag-amigo
sama usab kini
sa wala pa nato
gibutyag sa kinabuhi
sama usab kini sa
atong mga
gitipigang kinaadman
o kahibalo

kini ang atong mga
bahandi sa atong galamhan
nga ugma damlag sa
kasakit ug sa kasubo
ato ra kining
mahulho....