Thursday, October 1, 2009

tulay

alang sa ubang tatay
ang ubang anak
kuyamad, tungaw,
piso, baktin, pispis

og alang usab sa ubang
mga anak
ang ilang mga tatay
halas, sigbin, buaya,
bitok, uhipan, tanga

sa usa ka anak
nga gitagaan sa iyang tatay
og pusil-pusil
sa iyang ika-unom nga
adlawan
ang iyang tatay
mao gayod ang iyang
tinood nga
amahan

og kadtong tatay nga
naghatag sa maong
pusil-pusil ang iyang
anak mao
ang iyang kataposang
taytayan.

No comments: