mibilib ko
sa dihang wala ka
nagpahungaw sa
imong kasuko
sa dihang giilad
ka sa usa ka
maayog postura
nga estafadora
didto tas
bon's cafe
nag-inom tag
sikwate
parisan sa budbod
tanhay
og miingon kag
"ok lang
dili baya pod lalim
kon kita ang
pobre" og imong
gisumpayan
" ako na lang
tong limos niya"
kay ang kwarta
Dodoy
makita ra gihapon
puhon puhon
No comments:
Post a Comment