walay ibilin

kasagaran ang pagpili mao ang
pagputol

dili man god kuno mahimong
sa pagpili pilion ang tanan

duna gyoy dalhon duna say ibilin
dunay kuhaon pwes dunay biyaan

alas syite sa buntag samtang namahaw
gipili ko ang duha: kutsara og tinidor

wala koy gibilin: chorizo og sinanlag
gitilok ang nilat-ang tiil sa baboy og
gihigdaang lata sang mongos.

ikaw og silang tanan, ania man sa sulod
sa akong kasingkasing. Akong hutdon.