mY secreT ponD

adunay milungtad
ah, akong giihap dili pinaagi sa akong mga tudlo
dugay, dugay-dugay usab kon ato gayong tinud-on pagsumatotal
labaw sa kawhaan og lima na ka  tuig

apan sayod ka ba nga kini milungtad
nga kini wala gayod milubad sama sa de kolor mong sanina
nga nahumol sa akong puti nga purol

ah, tungod kini sa usa ka paagi
nga wala nimo kaayo maaninaw kanako

kanang wala pag-ambat sa mga lamigas sa ulan og init
kanang ilang pagpunay ug paak, tulod, aswat nianang tiki nga hagbay rang patay
nga gani nanimaho naman diha sa kilid sa pultahan
napiit sa dihang imo kining
kalit nga gisirad-an