katolugon

kaniadto
gihambin sa akong dughan
ang kahayag
mikunsad kini sa akong mga
mata
milapos sa mga buhok
kong tanod

kaniadto
wala kanako ang kahilom
kay lami ang kisaw diha
sa pagsalom

sa nahitabo tali kanato
ug sa akong pagbiya ug sa imong
pagpalayo usab

gibuhian ko ang kahayag
sama sa usa ka pulong sa akong
alingagngag
gihuptan ko ang kahilom
aron masabtan ko ang tanan
gisukad ko kini sa talad-kan-anan
sa altar nga ampoan
sa akong higdaanan
diha sa pinilo pang mga habol
sa mga alugnan
nga karong gabhiona
akong dat-olan sa akong
mga damgo
hapnig sa akong
gihandom nga laing
nindot nga katulogon