dili lang ang pagtoo nga aghop

moingon ta
gihigugma nato ang atong mga asawa
ang atong mga anak

bilib tas atong mga katigwangan
saludo sa atong mga lolo ug lola
apil na gani ang atong mga
lagyong kagikan

nagtoo tag Ginoo
luhod tas mga santos
pati gani
sa gobyerno
too ta

pati gani sa hangyo sa kapitan
magduhaduha tag
balibad

kining tanan
naa nagpahipi ang mga kahadlok
basin ug unsay
dangatan kanato

ug sagol ang mga kabalaka
nga basin naa
ang mga kapakyasan

miampo ta.