alang sa among sulogoon nga sayong momata

ang iyang mga kagabhion
nagpalingpaling sa iyang lawak
diin ang hangin
nagdalag kainit

iya kining gipadayag sa mga
hagdan ug bongbong
matag buntag samtang gitak-ang
niya ang nilung-ag

samtang gitrapohan niya
ang mga lingkoranan ug
lamesa
aron dili na mahikapan pa
ang mga abog

samtang gisilhigan niya ang
mga salog
aron mosinaw kini sa
tibook adlaw

sa iyang pagkaubos nga
sulugoon
kinsa ba ang mamati kaniya?

layo ang iyang bana ug tulo
ka mga anak
ug ang iyang payag
sa kamingaw namayagpag