ang dakong bakak

ikaw ang
akong natagboang
nindot

nagdamgo ko
gabii nga aduna
kita'y mga pako
ug gitaral mo
ako sa paglupad

sa dihang nagkuyog
ta sa mga panganod
mibuswak ang adlaw
samas usa ka buwak

nakamata ko
ug tuod man dunay
buwak ang akong
ulo

adunay pipila ka
buhok nga natagak
sa akong alugnan

mitindog ko ug
nanamin
nanglawom ang akong
mga mata

ikaw ang
nahimong dakong bakak
sa akong kinabuhi
ug wala nay bisag usa
nga mitoo kanako.