buntag na diay

mas nindot ang kaadlawon
kay diha sa iyang kahilom ug kalinaw
mas dahunog ang tingog
sa mga panghitabo nga wala
magkinahanglan ug mga pulong

pagkaoran-oran
mabati ko ang pag-abri sa pultahan
sa kusina
kuyog ang agik-ik sa upat
ka bisagra

pagkahuman niini mosulod
ang irong pution nga ang
ikog
nagsigig kiwil
dilang naghalhal
mga tiil nga misayaw
ug mga matang migilak
tungod ug alang
sa buntang nga
masanagon.