Sunday, November 6, 2011

tanghaga sa atong mga kamatooran

i

ang mga kamatooran
nahisama sa gamayng kamot sa
bata
mibukhad diha sa napulo
ka mga tudlo

ii

hinumdumi ang paypay
nga naghimo ug hangin
pila ka pilo kini kon imong ablihan
ug pila kon
imong sirad-an

iii

walay paypay ang tupong ang
mga pinilo
sama sa mga tudlo sa atong
mga kamot

iv

sa kataposan hiposon kitag
balik
walay pilo
diha na sa kumkom nga kamot
sa palad nga
tago

No comments: