Sunday, November 6, 2011

kalibog

naglibog siya

wala nagkuyog ang kaanyag ug kaalam
diha sa iyang kaplag

yabag ang tingog
morag botilyang liki
ang paglihok kiwa
ang mga pulong hirig
luag ang kwerdas sa iyang
gitara

gusto niyang biyaan kini
apan pag-abot sa kangitngit
sa pagduaw sa katulugon
mingayon siya sa iyang tingog
sa agulo sa iyang mga tudlo sa
mga kamot nga mihapuhap sa
iyang agtang sa iyang buhok
paingon sa iyang liog
unya
dugay nga mihunong sa
iyang pus-on
nakigdula sa bagolbagol

kon ilabay kini niya
tapot ang kahumot niini sa iyang
palad.

No comments: