pagpamati sa hinay nga ulan sa kagabhion pagkahuman sa usa ka pagbulag

pamatia ang ulan nga nahulog gikan sa langit
diha sa nipa nga atop sa atong payag
pamatia ang pagdagayday niini sa sandayong
paingon sa yuta nga gitabonan sa mga bato
ug dahon

pamatia ang iyang pagbakho diha sa kilid sa atong
bongbong diha sa
bintana nga kawayan

nagpabilin kini ug daghang mga luha
sa kwadrado natong
kalibotan

dili ko sila maalaang nga mga hamog lamang