walay mahasol

usa ka tibugol nga
kapait

lahi kini sa usa ka
tibugol nga imong gidumtan

ang tibugol sa kamay diha
sa sulod sa siradong garapon

kining nia, lahi,
gintang, anaa sa kilid sa

kamot sa komidor
unya mahibaw-an mo kon

nganong ang mga hulmigas
wala gayod mahisalaag

dinhi. Ako lang, ako lang
ang ania dinhi

hilom, hapdos ang kasingkasing
pait ang alingagngag

apan wala, wala gayod
ako magsuka

naandan ko na, sayran taka,
ang pagtulon ning kapait

nga bisag usa kaninyo
sa inyong mga katawa

wala gayoy makaatik
walay mahasol, wala.