kadtong iyang kataposang larawan

nindot ang iyang mga mata
kon gitutukan mo lang unta pag-ayo
morag mga mata sa bag-o
pang nadalaga

iyang gidap-ig ang iyang likod
sa kilid sa bongbong unya ang iyang
mga tiil morag hinapnig nga
sako sa harina diha sa salog

ang iyang tuong kamot gitungtong
sa iyang tuhod
unya ang usa mipatong sa ibabaw
sa iyang abaga

ang iyang mga tudlo wala manirado
morag mga salingsing sa batong diha
kilid sa ang-ang nga kawayan

ang iyang pahiyom dili man pinugos
apan dunay tinagoang kahigwaos