mas nindot gayod unta ang
kahilom lamang, apan dili makaya sa panahon,
ang kabugnaw sa kaadlawon,
usa ka baba nga mobuga og kainit
nga ginhawa sa palad,
ang dila mangumusta kon unsa
na ang nahitabo
sa mga pilok sa mata nga kagabii
gisuyok sa ngabil
dili kapugngan ang pagpanglupad
sa tanang mga kalanggaman nga nagsalag
sud sa kasingkasing
sama nga dili matago ang mga aso sa nasunog
nga mga sulat
ang kalami sa hapuhap manglusot gayod
sa ganghaan diha dapit sa hawak
No comments:
Post a Comment