mY secreT ponD

mitunga ang mga kalag
didto's sam-ang
gihimas nila ang kahilom
sa mga sinaw nga
letra sa ilang metal
nga mga ngalan

gilantaw nila pag-ayo
ang mga nangabot
nga saba kaayo unya
kusog ang hudyaka
sa katawa, kaon
inom, unot og surasura
kausa lang sa usa ka tuig
kini mahitabo
apan wala sa ilang nawong
ang kalipay
wala gyod nausob
sukmat sa usa ka kalag
ngadto sa tupad
ang ilang kapalpakan
kaniadto
kapalpakan gihapon
nila karon