Thursday, July 25, 2013

ikasalo kita nila sa ilang yanong panihapon

bisan pag milapas
na kita sa eskinita

bisan pag nawala
ta og di na katultol

asa ang paulian
apan ayaw ka diha

duna pa gihapoy
gamayng kahayag

sa unahan, naa gihapoy
nanagkot ug kandila

naa pa gihapoy abri
nga mga pultahan

naa pa gihapoy
makaila kanato

mopahiyom mangaghat
kon mahimo bang

ikasalo kita nila sa
ilang yanong panihapon

No comments: