kon moabot na ang takna
ang duha ka kamot sa orasan
dili mo
magakos
unsaon mo ba pagpuyok ang
kahayag aron
unta kini magpabilin sa
imong palad?
ang kamatooran dili mo mailad
ang tinan-awan niini
deretso sa
tunga sa agtang
hapiton ka
ug dili ka mokuyog
dagiton ka sa iyang mga pako
ug ang iyang mga kuko
motaop sa imong
kasingkasing
magtulo ang dugo
sa mata sa langit
ang adlaw magpabiling
isog sumala sa ngalan sa
tanang katawhan
No comments:
Post a Comment