karong gabhiona
pamation ko ang awit
ni J.
Giampo ko
ang kaanindot
ang katahom
giampo ko ang
katahom diha sa usa ka
paghikalimot
giampo ko ang kaanindot
sa usa ka
pagsugod
karong gabhiona
wad-on ko ang ngalan
sa kinabuhi
buhion ko kini
puya sa usa ka unang uha
diha
sa putli nga gugma
wala ako'y lawas
usa lamang ako ka
maanindot nga hunahuna
pagkatahom
kon ang makita mao na lamang
ang awit diha
sa awit
No comments:
Post a Comment