usahay makaingon siya
mahimo diay nga mag-ipon ang sawa ug manok diha sa usa ka hawla
ang sawa dili kamaong mokaon ug patay
ug ang manok aron walay daotang mahitabo kaniya
sa matag adlaw nakat-onan ang arte
sa pagpapataypatay
kon makatulog na ang sawa sa kagutom
diha na magsugod ang kasabaan sa manok
manawag kinig panabang sa bisan kinsa
nga molabay
bisan ug pareho pa kinig baho ug itsura sa sawa
nga sa pipila katuig
nahimo niyang kadulog.
No comments:
Post a Comment