mamakak ko
aron dili ka moiyak
tindugan ko ang akong
tanang mga bakak
aron magpabilin ang imong
pahiyom
apan asa kutob kining tanan?
moabot na ang panahon
sa pagpangahulog sa mga dahon
sa pagtak-om sa baba sa
kagabhion
unya makat-onan na
dayon nato ang paghigugma
sa tumang
kahilom
sa paghipos sa atong mga tunob
sa pagpapas sa atong
mga pangagho
No comments:
Post a Comment