Saturday, March 3, 2012

paghinumdom kang rolly

si rolly maayong tawo
siya ang kuyog sa iyang nanay nga tiguwang na
nga adlaw-adlaw mosimba
sa Diyos

si rolly wala magminyo tungod sa pagpangga
sa iyang nanay nga tigulang
siya ang driver, ang cook ang
tigbantay
ang tigligo, ang tigtrapo
ang tiglimpyo sa tanang hugaw sa iyang nanay
sa matag-adlaw

si rolly omay magrosaryo kuyog kanunay
ang iyang nanay
sa matag kaadlawon

usa ka hapon niana
samtang nag-drive si rolly sa iyang nanay
paingon sa simbahan
aron magnovena
naglagot si rolly sa usa ka driver sa taxi nga
nakababag sa iyang dalan

walay duhaduha mikanaog si rolly
bitbit ang kalibre kwarentay singko
ug sa way pangutanapangutana
gitiiunan ang ulo niini ug dayong
kablit sa gato
ug dayog

bang! bang! bang!

nahagsa ang maong taxi driver
ug deretsong namatay

No comments: