namatog ang mga alibangbang sa sanga
sa ilang-ilang
nga samtang imong gilantaw nangahimong
papel
ang mga papel nausob ang mga bulok
gikan sa pagkaabuhon mipaingon sa asul
dayon naluspad
morag sapot sa kaadlawon
sa bag-ong pag-abot sa unang
pagsiplat sa
usa ka espada sa kahayag
adunay usa ka higayon nga nahingangha ka
nausob man god pod ug apil ang bulok sa sanga
apil na ang iyang porma
nahimo kining ulod nga gituhak sa mga papel
ug ikaw usab
nahimong alibangbang
No comments:
Post a Comment