gikan ako sa halayong panaw.
mibalik kay abi kog duna pa ako'y balikan.
kanang naandan.
pag-abri ko sa pultahan
mao mitagbo kanako ang kahilom sa
hanig sa salog
adunay dagom nga nahulog didto
gamata lang gihapon
gibasa ko ang sulat sa imo usab
nga pagikan
abi mo
wa baya pod nako handoma nga mag-abot
pa kita dinhing
dapita
wa sab ko mahadlok
anang kahilom sa salog diin ang mata sa dagom nagpunay ug tutok kanako
sip-ot na kaayo ang dalan paingon sa
balay sa atong mga kasingkasing
ayaw ko ug hisgoti puhon
kabahin anang kamel.
No comments:
Post a Comment