maoy akong naandan
ang pagtapak sa mga nangagisi
nga purol,
pagtaud balik sa mga butones nga
natangtang
nahimo ko nang batasan ang
pagsumpay balik sa mga naputol
pagpatapot balik sa mga
nangabuak
dugay kong gihunahuna kon giunsa
pagtubo sa ikog sa tiki
sayon lang sultihon nga ang kwentas nga
naputol sumpayon
adunay mga pagbati nga nangabuak
mga sugilanon nga naputol
balak nga napulpog
sulayan ko lang gihapon ang tanan
nga akong nakat-unan aron kita magmalipayon
lain lantawon
busa dalhon ko kining tanan sa halayong dapit
aron mawa ang kasakit.
No comments:
Post a Comment