sa tunga-tunga sa atong
duha ka pusod
gihapnigan sa atong mga
panit ang
usa ka mainitong adlaw
nga niabot niadto pang
sayo sa kaadlawon ug
sud sa atong mga baba
giduladulaan pa gihapon sa
atong duha ka dila
ang bulawanong bulan
sa miaging kagabhion
dayon samtang mihinay na
usab pagtak-om ang atong
mga pilok dili layo kanato
miawit ang mga hinanok
sa miawas nga mga laway
sa kalipayng kalibotanhon
No comments:
Post a Comment