giabrihan mo ang imong dughan
ang imong tiyan nga mibutyok
ang imong ulo,
giyagyag mo ang tanan
tinaing baho, kasingkasing nga buslot
utok nga giutitud
bukog nga gitay-an
gikagid nga mga hunahuna
ug dayon mog ingon:
"hala, kamong tanan, husgahi ko ninyo!"
nahilom ang kalibotan
og tagsa-tagsa kanila naghinayhinay og
pamahawa
duna lang seguro sila'y nahinumduman.
No comments:
Post a Comment