"Nothing is ours except time"
ang imong relo
seiko
imo ang seiko
nga kunuhay
sa kanunay
magtug-an kanimo
sa saktong mga
takna
dagan, dagan,
libot libot
diha sa iyang
gamayng
lingin nga
nataran
abi nimo og
ikaw na ang tag-iya
sa mga oras
sa mga panahon
sa mga dahong
natagak
sa mga balod nga
naglukotlukot
sa dagat
abi mo ug pati
ako imo na usab
sama sa orasan
ako ang usa ka
panahon sa imong
kinabuhi
og bisan kanus-a
dili mo
mapanag-iya
bisan ako
dili gani ako
milabay lamang
walay
gibilin
No comments:
Post a Comment