Nganong gipakisama mong bulawan
ang akong gikuptan?
bato lang kini nga gikuha ko sa
kilid sa dalan
usa lamang kini sa daghan kaayong bato didto
gitan-aw ko kini sa makausa og akong
gilabay sa dalan
dayon nimong panugilon nga ako usa ka
sapian
nga nanglabay og bulawan sa kadalanan
pagkadaghan mog bulawan
nagtuntong ka sa dakong bungtod nga bulawan
apan wala ako
magsaba
nganong dili ka man moduko panalagsa
aron makita mo
ang imong katigayonan?
No comments:
Post a Comment