tinagoan

aduna ka
ba'y gitagoan kanako?

ako?
gipangutana mo ba usab ako?

oo, daghan ako
ug gitagoan kanimo

dili mo man god
kini madawat
sama sa mga
bag-ong buswak
nga mga bulak
nga akong
gitunol kanimo

nalaksot na ang
mga buwak

gitipigan ko kini
sud sa akong
kasingkasing

oo, daghan ako
ug gitagoan sud
sa akong
hunahuna

dili ko kini malitok
bisan sa
akong baba
dili ko kini dunggon
bisan sa akong
dunggan

nasayod ka ba
nga kon kini
mabutyag

mamatay ang
tanang nabuhi
sud kanako

malaya ang
kataposang dahon
nga nagbitay
sa kilid sa
bagon sa akong
kalag