Tuesday, May 28, 2013

agianan

una nakong
nakita ang babayeng tiguwang nga
nagpatotoy sa usa ka bata nga
asul

gialirongan siya sa mga bata nga
doremi
unya naglutok ang mga mata sa
kagutom

dayon nakita nako ang dalan nga
walay utlanan

sa unahan anaa ang kahayag
lagom ang dakong dulom sa akong dughan

nasabtan ko nganong
nagpunsisok ang kahadlok
nganong mokurog ako kon
hisgotan na
ang pag-inosara

mihangad ako sa langit
dayon nakog
pahiyom

No comments: