ang unod, ang himbis ug ang bukog sa akong tilaok

daghan unta ako ug isulti
apan adunay bukog ang akong tilaok

ang akong bout isulti kon mogawas kini
dili na mao
kon ako na kining litokon kanimo
kalit kining
mayabag

imbis unod ang mogawas
pagkadaghan ba hinoon sa mga himbis

ikaw nga nakakita niini
wala na mitoo kanako

ang imong nadungog hinimbisan na man god
unya ang unod maayong pagkapodpod.