karong gabhiona
ang akong sampot
makigbungol sa imong
sampot
nga bisag mag-abot ang
ilang nawong
magpabiling bugnaw
kaayo ang ilang
mga simod
ang akong mga kamot
mangita og laing habol
og dayog bukot
og talikod
pagkaoran-oran
madungog ko ang bakho
nga nabasa na og luha
diha sa ponda sa
alugnan
pagkahasol ba gayod
niining
akong tanlag
nagsigig pangusi
sa panit sa akong
lawas og kalag
No comments:
Post a Comment