daghan ko ug matun-an sa akong madungog kanimo
bisan pa ug: way hugas ang mga plato og baso sa kusina
og gisungkab na sa iring ang akong piniritong pirit
milagapak ang taklob sa kaldero nga
gidam-agan sa dakong bagtok nga gigukod sa akong iro
nga angkan,
namati ko, milapad ang akong kalibotan
milalom ang akong kalimotaw
namyahok ang akong aping
ang akong pangag nakataghoy
daghan kog napupo nga bunga sa punoan sa imong kahoy
og kining tanan
bisag nabali na ang akong kalibotan
wa ko ambata
kay ikaw
karong buntaga nakahatag kanako og kalipay
ning gaungot ko nga dughan
No comments:
Post a Comment