ang una mao ang adlaw
nga dayag
nga bisan og nag-ung-ong pa
sa tago-angkan sa
kalibotan
makita na ang kahayag
ang ikaduha mao ang
bulan nga sa kangitngit
sa nawong sa kalibotan
modan-ag diha
sa iyang agtang
ang ikatulo mao ang
mga kamatooran sa
atong kapakyasan
nga sama sa mga aso
sa atong mga dapog
sa gamay kaayong
bangag sa kisame
manglusot gayod.
No comments:
Post a Comment