sa imong pag-abri
og pagsirado sa pultahan
dili ako motan-aw
og dili ko kana hilabtan
kay ikaw lang gihapon
ang moabri og mosira niana
kon magnganga kanang pultahana
kay wala nimo maayong pagkasira
dili ko gayod kana
tandugon
kon ugaling masira mo kana pag-ayo
nga dili na gayod maabri
dili ko gayod kana gihapon
tandugon
imo na ang pultahan
diha sa atubangan niining atong balay
nga karaan
kay ako
niining paghawa sa atong nindot kaayo
nga prisohan
andam na nga mogawas sa likod
dapit sa kusina
kay ang akong bag-ong hinigugma
atua dugay ra nga nagpaabot
usab kanako
No comments:
Post a Comment