mY secreT ponD

kusog ang ulan
himamaton ko na usab
ang mga dili ko
na madungog

ganahan ko nga
mawala pag-usab sa
tungatunga sa
kasikas
sa atop nga gidagandaganan
sa mga lusok sa ulan
kuyog kini sa sayaw
sa nanghagit  nga
hangin

miabot na ang orkestra
sa tubig ug hangin
ako ang namati
milantaw sa mga panganod
nga nagpakahilom lamang
sa mga dahon sa kahoy
nga nangahulog
paingon sa yuta aron 
dakpon na usab kini
sa ilang pagkadugta