PAMASIN
niining ting-ulan ang mga tiil
sa mga saad
nalapokan,
pasayloa nga ang imong
limpyo nga kiting
akong natumban.
kon nasakitan man ang
mga buwak sa imong dughan
ug kon nangahulog man ang
mga dahon sa imong
mga paglaum
ayaw kabalaka kay ang
akong mga pangagho unya
mao ray
manilhig niini diha sa
mga lapa-lapa sa
mga pagmahay
sa dili pa ako molakaw
palihog
pahagka ako sa agtang
sa imong mga pagmahay
sa pamasin nga
ang imong mga kasuko
mahimong
mga takulahaw
No comments:
Post a Comment