arya

sa paglangkat mo
sa butones
sa akong polo

sa pagdap-ig mo
sa imong duha ka
palad sa akong
dughan

sa pagtutok mo kanako

kinsa pa ba ako ang
dunay kaisog nga mangutana
kon unsa ang
dangatan
sa akong
ugma?

ang karon ang mipatigbabaw
mihatag ning kahinam

sama sa mga buwak
nga mitahan sa ilang mga
gihay
ngadto sa adlaw

nangahulog ug nangalaya

wala ang
paghunahuna nianang
pulong
sa pagbasol