nahitabo ang nahitabo
bisan pa ug giayo kini ug hunahuna nga unta
dili mahitabo
ang mga laraw nabaraw
ang mga adlaw nagsubo nagmingaw
nahitabo ang mga nahitabo
walay nahimo ang utok
pildi ang mga kamot
lawlaw ang mga tiil
hoyhoy ang mga abaga
mora bag miabot ang dakong baha
og kitang tanan nga nagtungtong sa usa ka bungtod
nanglantaw lamang
samtang gianod ang usa ka balay
ang mga baboy
ang usa ka bata nga nagpangayo og panabang
kuyog sa iyang inahan nga dili kamaong molangoy
hangtod nga sila nangawala
nalugdang
sama sa mga bato nga natiglom ug dayon
gibanos kita sa
tumang kahilom
No comments:
Post a Comment