ang bato nga akong gipunit
sa dalan
akong gitagoan sa akong
palad
init ang bato sa init kong
palad
ang bato nahimong
bulak ug ang akong palad
mibukhad
humot ang bulak sama
sa kahumot usab sa akong
palad
ang bulak nahimong langgam
og sa iyang pako
milupad kini palayo kanako
dala ang kagawasan
nga sa kadugay nga panahon
gikumkom sa akong
palad
ang kahaw-ang mao na lamang
ang gihawiran karon
ning akong palad
nga bugnaw
No comments:
Post a Comment