kay wala mo
man kini gikalipay
dawaton ko
kining pagbasol sa
paghubad sa imong
balak
gilantaw mo ang
akong nangagi
og gilubong mo ang
unsang kaayo
kabahin kanako diha
sa balas sa dagat
sa usa ka hunasan
og gitabonan mo
ako sa kangitngit
unsa pa ba ang
akong isugid kanimo?
wala na, wala na.
ikaw ang akong kahaponon
nga gikawat kanako sa
bulan
gusto na nakong matulog
ning lapoy nga kalag
ning samdan nga lawas
kon unsa ang imong tuhuan
og kon asa ka paingon
hagbay ko ra kining
gitugyan sa hangin...
No comments:
Post a Comment