sa dihang nahug ka sa pangpang
sa imong pagkadakin-as
tungod sa ulan sa danlog kaayong lapok
daghang mga kamot diha sa imong damgo
sa dihang gipiyong mo ang imong mata
nga makigharong sa tawong gasuot og itom
nga kapa og gahawid sa hait kaayo
nga sanggot
nga maoy pang-abis sa udlot sa
kinabuhi
daghan ang buot mohawid kanimo
apan wala'y nahimo
danlog ka usab sama sa usa ka isda nga
nakaligo sa mantika
sa dihang milagapak na ang imong lawas
sa kabatoan
giyubit ko na lamang ang mga pulong
alang sa mga panganod
mahimong magpasalamat ka
tungod sa pagkakalit sa maong hitabo
kon mobalik ka puhon
suginli ako
kon naa pa ba ang sakit ang kahapdos
sa imong kasingkasing
No comments:
Post a Comment